من بدايه اليوم الى كلنا مستنينه وبنستعد له كل واحد كان بشيتفق طبعا مع صحابه هيشوفو الماتش فين





غير الاعلانات الى كانت ماليه التلفزيونات و_events_ الى كانت مليانه _Facebook_وال _status_ وغيره وغيره





من بدايه اليوم لقيت معظم لعربيات ماشيه وعاملين علم مصر عليها والى حاطت علم ع العربيه من فوق والى مطلعه من الشباك والبيوت الى علقت الاعلام





والشباب الى لاقيتهم واقفين بالطبله وعمالين يقولو مصر


والراجل الى واقف يبيع علم مصر وزحمه كتير جدااا عليه


غير معظم المحلات معلقه العلم


تمنيت ان العلم يفضل متعلق فكل حته كده علطول مش ساعه الماتشات المهمه وبس


والجامعه بقى كتيررررررر جدااا راسمين اعلام عل ايديهم ووشهم


والى لابسين احمر فابيض واسود على الوان لعلم وكنت من ضمن الناس الى عملت كده


ومن الساعه6 ونص الشوارع بقيت فاضيه


وفطريقى كل مما اعدى عل اى قهوه الاقى شاشه عرض وناس كتير قاعده وكل الى بلمحه ان البث من الاستاد بدأ


كنت عاوزه اروح جرى على الرغم انى ماليش ف الكوره ولا بحب اتفرج عليها خالص ولا افهم فيها حاجه


بس كنت عاوزه الحق الماتش من اول ثانيه


كلنا اتشدت اعصابنا ومع اول دقيقتين فرحنا باول هدف


وقعدنا طول الماتش على اعصبنا وفى اوقات فقدنا الامل فى الفوز


لحد اخر دقيقتين فى الهدف التانى ورجع الامل تانى لكل المصريين


والكل خرج يحتفل بالفوز او يعتبر تمهيدا للفوز


مبــــــــروك لمصـــر وعقبال الماتش الجاى