بعيش مع عالم مختلف
ولا ممكن تلاقى حد يكدب عليك ، وخلافتنا من نوع تانى خالص فهى عباره عن خلافات كوميديه
والشر عندنا من نوع تانى ، يعنى اخره حد يرش عليه شويه ميه
او يبعتلك شويه نحل وانت تجرى وهم وراك ال يعنى علشان يلدعوك كام لده عل خفيف
او حتى تلاقى حد اخد الساندويتش بتاعك
هو ده نوع الشر الى موجود غير كده ماتلاقيش
طبعا ده مش بتكلم عل ناس فكوكب تانى ولا حاجه
انما العالم الى بتكلم عنه هو عالم الكارتون فلله الحمد انا من عشاق الكارتون وقنوات الاطفال واغانى الاطفال
القديمه والحديثه

كل ما بتفرج عليه بتمنى ان لو الدنيا تبقى شبه عالم الكارتون من ناحيه الخير والشر
فعالم الكارتون تلاقيه ملىء بالخير والشر ، ولما تقارن بين الخير والشر بينه وبين الواقع تلاقى الشر فى عالم
الكارتون موجود فى الواقع بالفعل بس بيكون مجرد مقلب ممكن نعمله فى حد نضحك نهزر بيه لان الشر عندنا ليه
انواع واشكال كتير وتحس ان فى ناس متخصصه انها تبتكر افكار جديده فى أذى الناس
غير بقى انك ممكن تتعامل مع حد هو مش طايقك من جواه وبيعاملك بوشين او يقعد يعاملك كويس لحد مايضربك من ورا ضهرك
ساعات بتمنى اننا نتعامل زى توم اند جيرى فى النقطه دى لما واحد مش طايق حد يبنله فوشه احسن مايقعد
يخطط من وراه بس الاكيد ان الواقع والكارتون استحاله هيتماثلو الا ساعتها اما مش هيبقى كارتون او تكون
ناس كتير اتغيرت
اخر الكلام .... لسه فى كلام