تخيل فى احد الايام وعند عودتك لمنزلك تجد انه تتحول لمصلحه حكوميه ملىء بالجمهور من كافه فئات الشعب لقضاء مصالحهم
ووالدك او ولدتك اصبحو موظفي هذه المصلحه , وتحولت انت لساعى يقمل بعمل الشاى لكل من يتردد على المصلحه الحكوميه وبدون مقابل فى هذه المره _ ماهو اكرام الضيف واجب _ وتقوم ايضا بتوفير الاقلام لملىء الاوراق وتاخذ هذه الاوراق تحفظها بالداخل فى غرفتك فهى اصبحت اخيرا مخزن مؤقت لاوراق المصلحه حتى مطلع النهار لكرى يرسل موظفو مصلحه بيتُنا الاوراق الى المصلحه الرئيسيه , ولكى تنعم ببعض الهدوء عليك ان تنتظر حتى تدق الساعه الثانيه عشر صباحا لكى يتكل الجمهور على الله ويبونا فى حالنا شويه
ده حال بيتنا من اول شهر 12 بسبب الضرائب العقاريه بيتنا بقى مصلحه حكوميه الناس تيجى تملى الاستمارات وتسيبهلنا احنا نوديها والسبب ان احد افراد الاسره بيشتغل ف الضرايب العقاريه
على الرغم ان موضوع الضرايب ده بقاله اكتر من شهرين حوالى 3 شهور وعمالين يعلنو عن الموضوع فكل مكان تلفزيون جرايد راديو لدرجه اننا حفظنا الاعلانات بس الناس تسمع من هنا والكلام يخرج من الناحيه التانيه اول ما طلع قرار ان الى مش هيقدم هيدفع غرامه هتوصل ل2000 جنيه والحبس الناس بدات تجرى وتقدم لدرجه ان اى ماموريه تعدى من عندها هتلاقى لو فى كلمه اكتر من كلمه زحمه هقولها ولدرجه علشان الموظفين يدخلو الصبح لتاديه عملهم اما بيدخلو من ابواب غير معروفه للجمهور او لازم يكون فى رجاله تظبط عمليه المرور علشان الموظفين يقدرو يقتحمو الهجوم ده ويدخلو لمكاتبهم
طبعا كل ده حصل لان الناس مش عاوزه تدفع غرامات مش موضوع انه قانون وعاوزين يحترموه انما علشان ماندفعش غرامه
لو من الاول الناس احترمت القانون مكنش لموضوع بقى بهدله كده ولا بيوتنا اتحولت لمصلحه حكوميه مسائيه ومانقدرش نقول لحد لا من باب الذوق والكرم والاخلاق إلخ إلخ إلخ
ولا كنت كل ما اروح الاقى حدمن الجيران جايب قرايبه وقرايب قرايبه وجيرانهم علشان يعملو الاستمارات دى
ولا كنت اتخذت قرار اننى مش هفتح الباب لاى حد يجى بليل والى يرن الجرس يرن زى ماهو عاوز وهعمل اكن مافيش حد موجود :D