انا لما بمشى ف الشارع حوليا لوحدى ساعات بيلفت نظرى صوت الناس الى ماشيه




الاقى حد صوته مميزفكلامه يكون مسموع


احيانا بسمع حاجات تخلينى اضحك وحاجات اسمعها تفكرنى بذكرايات


وحاجات تانيه تحسسنى ان لسه الناس بخير وحاجات اقول ايه التفكير ده ..... إلخ


حبيت انقل شويه حاجات من الى بقابلها


كنت راكبه المترو وكان فى ميعادطلوع المدارس الثانوى


فقابلت شويه بنات من ثانوى شايلين الكشاكيل الكبيره على ايديهم


وملازم الدروس وطبعا مش قاعدين يذاكروا فى الملازم عمالين يهرجوا ويضحكوا ويحكوا كل الى حصل معاهم فى الفصل والمستر الفلانى والعلانى ومعرفش فلانه مين اطردت وموقف ايه حصل فحصه الاحصاء والفصل كله عمال يضحك على _البت_ فكرونى بنفسى ايام ثانوى وانا مروحه اناوصحابى كنا نفس الاسلوبه مع اختلافات صغيره ونفس استايل اللبس والشنط وكله


ومره تانيه ماشيه ف الشارع لقيت ولدين من الواضح 15 او 16 سنه بكتيره طبعا مكهربين شعرهم والبناطيل الى خلاص شويه وهتقع


وبصوت عالى واحد منهم انا عمر ما اخلى مراتى تلبس الحجاب ولا تلبس طويل ولا مش تحط مكياج !!!انا عايز لما تمشى معايا ف الشارع الناس كلها تبص عليها!!!!!!0


اتانى ازاى يا ابنى تحب تخلى الناس تفرج على مراتك!!0


الاول هوكده ولومش عاجبها على بيت ابوها عدل:S


بينى وبين نفسى ونعم الرجوله والاخلاق يا ابنى


ربنا يهديك


مجموعه بنات من ثانوى نصهم عند مستر مدحت والنص التانى عند مستر سيد وبيشدوا قصاد بعض المستر ده الى احسن والتانين لا ده الى احسن


وواحده ف النص انا مشمقتنعه بيهم هم الاتنين ملهاش لازمه اخد دروس ف العربى

ايه الهبل ده ده مش مستوايا:D


وواحده حياديه جدا قالت كل واحد بيشوف ان المستر بتاعه احسن مستر والباقى وحش انما الكل كويس مافيش حدوحش


فكرونى بايام الثانوى والدروس نفس الحوار كان بيحصل


فى الجامعه يحرقك دكتور مفترى على دقيقه تطردنا من محاضره

يا بنتى احسن اهى جت منه ادينا عملنا الى علينا وهو الى طردنا احسن تعالى نتمشى شويه


بيفكرونى بنفسى فى محاضره الصحافه الى بكرها وبقول يارب تيجى الدكتور بدرى ومدخلنيش


سواق الميكروباص

اصتبحنا على الصبح مافيش سواق بيعرف يسوق كلهم اغبياء


وطلع ف الاخر هوحمار سواقه


اتنين ماشين واحدمنهم الدوله مابتنضفش الشوارع و مهملاها اخر حاجه

التانى فنفس اللحظه بيرمى ورق وهو ماشى


ونعم المنطق مش لما احنا الاول نحافظ على شورعنا نتكلم


حاجات كتير غير دى


ده شويه من دردشه كلام فشوارعنا هنقلكم دردشه كمان كل فتره


استنونى فدردشه جديده