أنا مكنتش أعرف أن الجواز ممكن يبقى ازمه وتوصل للدرجه دى
كل مده نسمع مثلا الجواز بقى ازمه علشان الحاجات الى بيطلبوها اهل العروسه
ودلوقتى الجواز بقى ازمه علشان اسعار كل حاجه عليت فالشاب هيجيب منين ده مرتبه مش بيكفيه لوحده يبقى هيفتح بيت ازاى
بس معتقدش ان لما يكون فى ازمه ف الجواز بسبب التكاليف والماديات يخلى واحد او واحده يروح يقول للعالم كله انا متجوزتش وعايز واحده مواصفتها كذا وكذا وكذا وهى نفس الموضوع
الموضوع ده ضايقنى جدا الحكايه كلها انى بقلب ف التلفزيون عادى لقيت برنامج كده على قناه فضائيه الى حد ما جديده مكملتش سنه كده البرنامج عباره عن انه متعاقد مع مكتب من المكاتب بتاعه الجواز
معظم الى بيتصلوا بنات يمكن ملقيتش غير واحد او اتنين شبابهم الى اتصلوا
البينت تتصل تقول عندى كذاسنه ومن المكان الفلانى ودراستى كذا ولو بتشتغلبتقول ومواصفات فتى احلامى كذا واهو تعمل اعلان عن نفسها علشان ابن الحلال يجى
يجى بقى عن طريقالبرنامج ولا المكتب المتعاقد معاه مش مهم المهم انه يجى
ولقيت برضو يروحوايسجلوا مع واحده فبيتها وتتصور ومعرفش ايهعلشان لو ابن الحلال شافها وعجبته يروح يتقدملها
الموضوع استفذنى اوى مش عارفه ازاى واحده تتصل ولا تسجل وتقول للعالم كله كده علشان هى بدور على ابن الحلال الى يتقدملها والمشكله الاكبر ان معظمهم من سن 25 لحد 30 معتقدش انهم كبروا اوى وفاتهم قطرالجواز علشان يعملوا كده
حسيت ساعتها ان الجواز ازمه بالنسبه لناس كتير على الرغم من سنهم الصغير
على الرغم ان فى ناس كتير يعنى متجوزش وعادى يعنى وعايشين حايتهمبين اهلهم وصحابهم وشغلهم ومش ماتوايعنى
لحد امتى هتستمر الازمه دى الله اعلم !!!