(ملكش دعوه بحد& خليك ماشى جنب الحيط& لو سالوك ماشوفتش وماسمعتش وماليش دعوه بحاجه)
الكلمات دى بتتردد واتررد كتير وسمعناها اكتر
الطفل وهو صغير لو فى اى مشكله او اى حاجه حواليه بطبعه يحب يعرف فى ايه ولما يعمل كده يلاقى الكلمه الى بتتقاله ملك دعوه بحد خليك فنفسك
مشكله حصلت والواحد شافها وسمعها وعلشان هى مشكله عويصه شويه الكلمه الى تتقال ساعتها لو حد سالك قول ماشوفتش ولا سمعت ولا ليا دعوه بحاجه
الجمله بقى الى بتتردد اكتر واكتر حتى بعد ما الواحد يكبر شويه ويشب
خليك جنب الحيط!!!
مهمتك ف الحياه انك تذاكر تنجح تشتغل وخلاص والواحد يخليه فحاله ويبقى جنب الحيط علشان يعيش
الموضوع ده بقى يستفذنى جداااا
لاننا المفروض فزمن نكسر كل الحيطان الى ممكن نمشى وندارى جنبها بمنطق علشان نعيش
والى خلانى اكتب الكلام ده من غير ما احضرله ولا اقول ناويه اكتب او اعمل الموضوع ده
كان فاحدى البرامج عل احد القنوات الفضائيه بيتكلموا عن اضراب 6 ابريل والناس الى اعتقلت ومازالت معتقله
ومابين الكلام ان اضراب 4 مايو اى تجمع فمناطق عامه هيتم القبض عليه
وبعديها علطول اتفرجت على الطالب بلال والكلام الى وجهه لرئيس الوزراء فى المؤتمر الى كان فجامعه القاهره
كان كلام جامد اثر فيا وفناس كتير كان كلامه ممزوج بحزن والم
بعديها بدات اتناقش مع الى حوليا واولهم اهلى
اول حاجه عن اضراب يوم 4 مايو وكان امنيتى هى اساهم ف الاضراب ده
لان اضراب 6 ابريل كان وضح اوى مدى الوعى الى بقى عند ناس كتير لان الاضراب ماتعداش القانون ده باستثناء الى حصل ف المحله
وان المفروض الكل يشارك ف الاضراب ده ومش نقضيها قعده ف البيت زى المره الى فاتت ونقول كويس ناخد اليوم ده اجازه
لان الغلاء ده علينا كلنا وكلنا تعبانين منه
ووسط النقاش كنت بحيى بلال عل جرائته والى عمله وانه قدر يوصل صوته والى عايز يقوله
الرد الى لقيته بلال كان كلامه مؤثر بس احنا مش بنشارك فاى حاجه من دى ولا اضراب ولا غيره نخاف طبعا وخلينا ماشين جنب الحيط(اكن البلد دى مش بلدنا والى بيحصل ده بياثر علينا احنا)
وبعد مالقيت ردود افعال كده بينى وبين نفسى قولت لو معظمنا كان تفكيره كده يبى نستاهل الى احنا فيه لاننا مش بناخد اى رار او رد فعل فحاجه بتحصل وتخصنا
هنفضل لامتى نقول خلينا جنب الحيط
وامتى هنكسر كل الحوائط دى
اخر حاجه عايزه اقولها(مش معنى اننا نكسر الحيط ونبعد عنه ومانمشيش جنبه ان الواحد يعمل حاجه غلط)