يمكن كنت بدخل كتير وابص على المدونه ولكنى مش كنت بفكر افتحها واكتب اى حاجه
على الرغم ان فى حاجات كتير فدماغى الا باجى واقعد علشان اكتب ويمكن اطلع جزء من الى جوايا لكن مش بقدرر
ليه مش عارفه لحد دلوقتى بحس ان كلامى عجز انه يعبر عن اى حاجه حسيت ان فى حائط صمت فى المدونه بسبب هجرى ليها
بس قررت اكسر الحائط ده واتحدى عجز كلامى
وحشتنى المدونه جدا وطللتى عليها كل يوم واشوف حد عملى كومنت ولا حاجه اذا كان حلو او العكس المهم انى الاقى حد بيناقشنى
مش بكتب على ماء ،ويمكن اول حاجه هبدا اكتبها تاى مش تكون لذيذه سب دى الحاله الى انا فيها دلوقتى
ويمكن ناس كتير زيى فيها معرفش ليه
الملل بقى فى كل حاجه حوليا فى البيت فى الشارع فى الجامعه فى المكان الى بدرب فيه على النت حتى فى الكلام والهزار مابقاش من القلب
ناس كتير صايبها يئس وملل ليه محدش عارف اكيد كل واحد ليه اسبابه الى الناس عرفاها واسبابه الى خافيها عن كل الناس
المهم انه فيه حاله ملل وكل يوم بتكبر الحاجات هى هى الحياه هى هى الناس هم هم بس يمكن فى تصرفات جديده بتظهر من بعض الاشخاص والتصرفات دى مش لطيفه
ده بيزود حاله الموجوده اصلا
فكرت مع نفسى طب اعمل ايه لان بجد الواحد زهق اخر حاجه
قولت ارجع بالزمن شويتين والحاجات الى كنت بعملها ابدا اعملها تانى حتى لو بقيت تقيله على قلبى طالما هحس بتغير
طالما هرجع لوقت كان فيه حاجات جميله
مش عارفه ده قرار صح ولا غلط المهم ان عايزه اكسر الحاله دى وهكسرها باذن الله