نزلت زياره للمتحف المصرى ودىكانت اول زياره ليا هناك


غير انى بقالى مده كبيره مارحتش اى مكان سياحى


المهم حصل موقف بينا اناوزملائى مع أحد ظباط الشرطه هناك وبسببه اتفتح موضوع للمناقشه


هناك فى قاعه خاصه للمومياء المهم دخلنا القاعه اول مره من غير اى مشاكل


وجينا قلنا ندخلها تانى وقفنا واحد من الامن داخلين فين داخلين القاعه


كليه ايه اعلام لا ممنوع


ممنوع ايه يا استاذى


خلاص استنوا هشوف مسموح تدخلوا ولا لا


طيب اتفضل يا سيدى المهم اتسمح لينا فقلتله امال لو كنا جاين كمجرد زياره كان هيبقى ممنوع الرد لا بس فى اجرائات تانيه


ماشى ياسيدى المهم اننا ندخل طبعا لازم نوريه اثبات شخصى وكلام من ده اكن الواحد داخل دوله غير الدوله

دخلنا اتفرجنا واتفاجئنا ان معظم السائحين اذا مكنش كلهم بيصوروا عادى


على الرغم انه ممنوع التصوير وبياكدوا على الموضوع ده


مش مشكله اتفرجنا وطلعنا وقفنا ظابط شرطه دى تانى مره تدخلوا انهارده وكفايه عليكم كده اوى


طبعا بصينا باستغراب !!!(طيب ولو كان سائح كان هيبقى كفايه برضو(


بدأ باب المناقشه يتفتح بيبنى وبين احد زملاتى


هى بتقول ليه عمل معانا كده هو لو احنا سياح هيعمل كده


رديت:لا طبعا لاننا مصرين


هى : يعنى ايه مصرين يعنى ما زينا زيهم


رديت: لا طبعا

السائح بيجى بيدفع فلوس فبيعاملوه كويس (عمله صعبه بقى)


انما احنا هياخده ايه من ورانا ولا حاجه


ومن الاخر احنا الى خلينا حالنا بادينا كده

هى: ازاى يعنى

رديت: يعنى احنا لوحد سافر اىدوله برا كسياحه بيعاملوه كويس جدا بس استحاله يعاملوه كويس على حساب نفسه

انما لو حد سافر كشغل يعملوه اسوء معامله لانهم شايفين ان كده الواحد رايح يشحت منهم مش بيشتغل بمجهوده وبياخد فلوس مقابل مجهوده


انما هم يجوا سياحه نعاملهم معامله كويسه جدا بس الفرق بينا وبينهم اننا بنتيجى على نفسنا علشنهم يعنى ممكن تنمنع اننا ندخل اماكن والاماكن دى مش بتكون غير للسياح اكننا مش بلدنا

ونلاقى المعامله فى الاماكن السياحيه لينا مش قد كده مش زى الى بتتقدم لاى سائح


ولو حدمنهم جه هنا علشان يشتغل نشيله على رسنا علشان هو الخبير والى بيفهم (ده المبرر)

يعنى هومافيش حدعندنا بيفهم مثلا ولا يقدر يكون خبير


وبعديها اتقلب النقاش لاخف شويه

هى: بس هم امامير

رديت: مش كلهم

هى: معظمهم

رديت : احنا بنشوفهم حلوين لانهم بالنسبه لينا غرباء

وهم بيحبوا الملامح الشرقيه المثريه جدا الى احنا بنشوف انهم احلى

لانها حاجه غريبه عليهم

لان الانسان بيتشوق انه يشوف الغريب عنه

وانتهى الحوار على كده


بس هلى ياترى فى اى مبررات ان يكون فى فرق ف المعامله بين مصرى واجنبى اذا كان عربى او غربى

وليه معظمنا بيحب الملامح الغربيه والغربين بيحبوا ملامح الشرق!

علشان بتكون حاجه غريبه بالنسبه لكا طرف فعلا؟!