كل حاجه بنتمناها ماتتحقش ده قول من اقوالى لانى طبعا من حقى اقول اقوال وألفهم وأؤمن بيها كمان
مش لازم يعنى تكون مقوله بتاعه العالم او الفيلسوف الفلانى مع احترامى للجميع طبعا بس كل واحد من حقه يكون ليه حاجات خاصه بيه
المهم مش ده موضوعنا لانى كده هدخل فموضوع تانى الموضوع الاساسى بقى كل حاجه الواحد يتمناها ماتتحققش او مايطولهاش او تجيله حاجه بدالها ومش عايزها
كله طبعا بتاع ربنا ونحمد ربنا فكل حال
بس ساعات الواحد يحس انه قرب يجيله عقده ياعينى
يعنى واحد تلاقيه من اول مشواره عايز الكليه الفلانيه ويلاقى اكتر حاجه مابيحبهاش تجيله
يخلص دراسته يبقى مخطط انه ناوى يشتغل حاجه معينه مايلقيش غير شغلانه واحتمال كبير مابيحبهاش
يعنى كل حاجه الانسن عايزه مابتجيلهوش
حتى الحب تلاقى واحد بيحب فلانه ويبقى هى دى خلاص الى هكمل معاها مشوارى وتلاقيها هى مابتحبهوش وبتحب حد تانى
وتلاقى واحد تحب فلان وهو مابيحبهاش والانسان الى بيحبها هى مابتحبهوش
ماعلينا المهم ف الاخر بعد اللخبطه دى ان الانسان معظم الى بيتمناه وبيكون عايزه مابيجلهوش
وفالاخر برضو نحمد ربنا عل كل حال لانه اكيد ليه حكمه فكل حاجه بتحصلنا