عمرك مارحت من بالى وخيالى

هنساك ازاى وانت بقلبى يا غالى

سيبتنى ومشيت من غير كلام

ولا حتى رميت علينا السلام

ولا قولت حتى كلمه وداع

ولكن فكراك طول عمرى ياغالى

ودعتك بعنيا

ودموعى مسحتها أديا

ودموعى جفت فعنيا

بس دموع قلبى لسه سايله

حلمنا نكبر ونطير

لكن يا خساره حلم وأندفن تحت التراب

طفوله وعشناها

وبأدينا ورسمناها

والقدر محاها

بتنا نكتب أحلامنا

ومع طلوع النهار اتحرقت صفحتنا

كتبنا على الرمال

وحفرنا على الاحجار

وجت الرياح مسحت كل الاحلام

أدينا اتفرقت

ومسافتنا اتبعدت

ولكنك فقلبى يا غالى

شريط حياتنا بيدور قدام عنيا

مره نضحك ومره نبكى

ومره ننجح ومره نخسر

ضحكتك صوتها فودانى

واسمك دايما على لسانى

ونفسى اترمى فحضنك تانى

ومهما عشت وشفت

مش هشوف زيك تانى

وهتفضل فقلبى وخيالى