بسم الله الرحمن الرحيم

حاجه استفزتنى جدا الفتره الى فاتت دى

الفتره الى فاتت اتعرضت انى اتعرف على ناس جديده اتعرف على شخصيات

اول حاجه لاقيتها وضايقتى ان ناس زى فلغتنا الدارجه بتبص لفوق او بتبص للى اعلى منها بنظره حقد شويتين

يعنى مثلا اكون بتكلم مع حد يقولى مثلا شايفه فلان او فلانه عنده ايه

ومعرفش نظام حياته ايه يابخته وبتوصل انه ممكن يقوله كده فوشه

وتلاقيه يقعد يقول نفسى يكون عندى زيه او اكون مكانه

انا عن نفسى بعتبره حقد وعدم رضا

لان لو انت راضى عن حالك والى ربنا قاسمهولك مكنتش هتقول كده

طيب ارد عليه انت مثلا ربنا ادالك صحه او اهل عايش فوسطيهم مرتاح والدك وولدتك موجودين معاك هو ممكن لا

يقولى برضو يابخته

ليه مابنبصش لو ربنا مش ادانى مثلا المال يمكن يكون معايا حاجه احسن الصحه الاهل

والى ربنا اداله المال ممكن يكون محروم من حاجه معينه

والحياه مش فلوس وبس

انا مش هقول الفلوس ملهاش لازمه لا طبعا ليها لازمه وكل حاجه بس الفلوس مش كل حاجه

ومش وحش انى عايز اكون احسن بس الوحش انى ابص للى معاه واتمنى انى كونت مكانه وانى مش راضى بحالى

او الحاجه الى معاه دى تروح منه

فياريت كلنا نلاضى بالى ربنا كاتبهولنا بجد حايتنا هتتغير كتير